سمك مقلي

فاكرة اليوم دة؟؟

دة كان في رمضان 2014

:)

الفطار يومها : سمك دراك مقلي- شوربة جمبري بالخضار- أرز بسمتي

السمك المقلي

أي سمك مقلي لازم يتنقع في تتبيلة من ثوم وملح وفلفل وكمون وليمون لمدة ساعة على الأقل قبل ما يتغطى دقيق ويتقلي في زيت متوسط الحرارة

السمك الدراك كان مقلي

لكن بيتعمل أحياناً مشوي على الجريل باستخدام الزبد، وفي الحالة دي بيتتبل في بصل مبشور وملح وفلفل وكمون وليمون

شوربة الجمبري بالخضار

وفيها قطعنا الخضار "فلفل أخضر وأصفر وأحمر - جزر- بصل" إلى قطع صغيرة جداً ومش مبشورة.. وشوحناها في الزيت لمدة 5دقايق حتى ذبلت تماماً وبعدين أضفنا الجمبري والملح والفلفل والكمون ومعلقة صلصة طماطم وكوبين ماء وسبناهم يغلوا خمس دقايق وبس.

ملحوظة مهمة: الجمبري بيغسل بالماء والملح بدون دعك شديد وبسرعة وممكن نزع الشريط الأسود في ظهره بسحبه بلطف، الجمبري حساس جداً وممكن يتهري ويختفي لو تم غسله بعنف

:)

الأرز البسمتي

ودة بيتعمل ببصلة مبشورة صغيرة بتصفر في زيت قليل وبعدين بيضاف لها مقدار الأرز المغسول والمنقوع ومثله ماء لكن بنزود 1/2 كوب ماء على سبيل الإحتياط لأن البسمتي بيحتاج ماء زيادة، أو حسب المكتوب على علبته