عدس بجبة!

أيوة 

اللي هو لابس الجبٓة البني الحلوة دي

:)

معرفش له استعمالات في غير أغراض الكشري غير الطريقة دي

متهيألي أنا اخترعتها لوحدي بس أكيد فيه ناس كتير عملوها بالصدفة كدة

العدس بالطريقة دي ينفع جداً كسحور في رمضان كبديل للفول "أكيد فاكرة المعلومة دي"ا

هنجيب إيه؟

عدس وفصين ثوم وزيت زيتون ومعلقة صلصة طماطم وملح وفلفل

بس

هنعمله إزاي؟

هنحمر فصين الثوم في الزيت

وبعدين هنضيف كوب ماء وملعقة الصلصة

نغسل العدس كويس- ويفضل ينقع ٦ساعات ونتخلص من مائه زي كل البقوليات

ونضيفه ومعاه الملح والفلفل

نتابعه على نار هادية لمدة نص ساعة ونزوده مياه لو احتاج

وبس خلاص كدة خلص

:)
إضافة بتاريخ 24/2/2020
افتكرت دلوقتي ان احنا أكلناه مرة في مطعم مهراجا الهندي، هو نفسه بغباوته بس بندلق عليه ملعقة كاري  وفلفل شطة متقطع ونقدمه في برام
بيبقى ساعتها هندي :)