Basmati Rice -regular
علشان نعمل أرز بسمتي عادي له نكهة حلوة وبعيد عن الإضافات الحادة زي الكاري والطماطم بنستخدم فيه البصل والحبهان (الهيل) ودول رغم انهم لهم روائح نفاذة لوحدهم بس مع الأرز والطريقة المضبوطة نكهتهم بتبقى لطيفة جداً
مقادير الأرز البسمتي العادي لعدد 2 أفراد
اتنين كوب أرز بسمتي
اتنين كوب مياه
تلات فصوص حبهان
نص ملعقة كبيرة ملح
ملقعة زيت زيتون/ذرة
وبصلة صغننة مبشورة
باستعمل أرز داريا لطيف ومش بيتكسر وحبايته مقاسها مناسب
بنعملهم ازاي؟
بنقلب البصلة في زيت قليل لغاية ما لونها يصفر بس
وبعدين نزود الحبهان والمياه والملح
وبعدين نزود عليهم الأرز المغسول
ونسيبهم على نار متوسطة خمس دقايق أو لغاية المياه ما تقل
وننقل الأرز بعد كدة على نار هادية جداً لمدة نص ساعة
وبس خلاص
:)
Comments
Post a Comment